自嘲詩集蝕本貨　森美恨拍寫真再展雄風

DJ森美和小儀出席好友吳日言（Yan）的義賣籌款活動，森美就捐他的詩集，小儀就捐出衣物布鞋等，現場Yan稱傅穎都是捐書，只賣剩兩本，森美抵死說：「搞錯呀！傅穎啲書都有人買？我嗰啲版版都係字喎，傅穎嗰啲版版都係圖嚟！」在旁的小儀即言：「畀我都買傅穎啦，人梗係揀靚嘢啦！」

練肌出寫真

不過森美亦自嘲詩集是蝕本貨：「當年我出咗本書都賣得幾好，咪自己出本詩集囉，出咗8000本，但賣得兩，三千咋，所以剩咗好多咪捐畀慈善基構囉！」森美表示散文會較詩集好賣，或者寫「爛Gag」都應該不錯。森美練得一身鋼條肌肉身段，大可以拍雄風寫真，森美笑言：「好，Feel到我雄風再現。（怕唔怕老婆唔鍾意？）佢冇理我啦，佢剩係掛住宋仲基，上次宋仲基嚟我做司儀咪帶埋佢去囉，帶咗去後台，之後完咗去慶功仲同枱食飯，返嚟老婆佢講足兩日，張合照就不停Share。」

為見男神老婆親自揸車

小儀亦言森美太太好少陪他出席工作及過問工作上的事，森美即言：「今次親自揸車接我去慶功宴呀。」不過，森美都不弱，據知森美當晚與宋仲基的合照惹不少人「萄葡」，在IG和fb贏得不少點擊。