【港姐評審】洪永城爆佳麗似女友會加分

藝人洪永城為港姐複試擔任評判，透露有75位候選佳麗，暫時已跟廿多位佳麗進行面試。提到佳麗質素如何？他表示相當不錯，但亦會着重佳麗笑容、感覺及溝通等。問到若然佳麗似女友唐詩詠（Natalie）可會加分？他聞言笑謂：「哈哈！都可能會，但咁又會偏袒咗。（有個叫Natalie咪有得加分？）做評審都會主觀，可能會啦。（今次名正言順撩女仔？）工作之一嚟嘅。（暗自高興？）OK啦！」

談到是日面試有泳裝環節，問到佳麗們身材如何？洪永城表示：「都平均。（有冇身材豐滿令你深刻印象？）暫時未睇到，要睇埋其他五十幾個先有得比較。」

未能參與拍外景

對於港姐8月將到日本拍外景，洪永城指屆時要開劇未能參與，故留待其餘三位猛男王浩信、袁偉豪及鄭俊弘做代表，他謂：「我可能決賽參與其他環節呢。（最想參與泳裝環節？）希望睇吓係咪着泳衣啦，我扮女人都幾叻，想試吓！」