【免疫系統出事】舒淇抽兩次血搵病因
20160621
東網電視
更多新聞短片
女神發生咩事呀！
早前公開與馮德倫蜜照的舒淇，獲得好友任賢齊、張孝全等祝福，而網友都叫佢哋快啲拉埋天窗，本應好開心嘅舒淇，今日上載咗一段令人睇咗好擔心嘅短片上社交網，片中嘅佢用紗布撳住手上的傷口，原來剛剛抽完血，戴上黑口罩又一臉病容的舒淇話唔知自己染咗咩病，要抽血檢查搵出病因，她說：「又抽管血，希望今次會知道到底發生甚麼事，我的身體....其實醫生說我是需要休息，但我就是沒辦法休息。」翻查記錄，其實舒淇早於6天前已經抽過一次血，到底舒淇患咗咩病呢，佢喺ig有留言話：「免疫系統啊免疫系統啊 我對你好一點 你快點好好嗎」睇嚟好可能係免疫系統出問題，點都好，希望佢快快康復！