星級家庭逐個捉 洪金寶Chok晒三代同堂

20160621
東網電視
更多新聞短片
邊個夠你Chok啫~~
一張合照你睇到幾多個星級家庭?與老婆周家蔚(Janet)生咗兩個cute爆囝囝嘅藝人洪天明,今日喺微博上載咗一輯飯局照,認真一睇,咦,呢個咪洪金寶,嗰個咪錢嘉樂同湯盈盈,後面咪錢小豪,前面咪文頌嫻,中間嗰個……咪係洪金寶!
呢個星級陣容固之然厲害,仲要個個一家大細出動,大人細路阿爸阿媽阿爺阿嫲全部齊人,唔知仲以為係拜緊年。不過重點都係已經做咗阿爺嘅洪金寶,收到愛子洪天明送嘅電話,佢一嚟就Chok爆影番張相留念,難得一Chok,好啦,就畀你做「今日我最Chok」啦!
洪天明寫道:「很開心的父親節聚會,多謝錢生請客。我送了部手提電話給我爸,TJ做了一個我出來給我,為甚麼我像樹熊多一點。但很開心。」