意大利影全家福　魔童似足袁詠儀

藝人張智霖袁詠儀（靚靚）同埋仔仔魔童去咗意大利玩，魔童仲開咗個ig記錄行程，而連日來戴住黑超嘅佢真係分分鐘chok過老竇！而今日魔童終於除超，連佢老竇都除埋，同埋媽咪影咗一張全家福。從照片睇，魔童遺傳咗爸媽嘅電眼，一家都係雙眼皮；而網友就話魔童同媽咪靚靚成個餅印咁，成日聽人講，生仔似阿媽係好嘅，加上媽咪本身係一個大美人，睇嚟魔童嘅前途，真係無可限量呀！