蕭正楠擔心再拍古裝令皮膚炎復發

藝人蕭正楠（Edwin）於電視城拍攝新劇《翻生武林》，更拍劇拍到患上急性皮膚炎！他說：「套劇月中開，拍嗰陣有三日瞓地下，可能畀蟲咬！」他表示覺得左手又痕又痛：「起咗撻嘢，初初以為沖個凍水涼無事，但愈嚟愈大撻，仲向上敏感，然後大腿同個背脊都有！」

後來他去看皮膚科醫生，要打針及食藥，醫生就指他患上急性皮膚炎，應是被蟲咬引致，已康復不少的他擔心拍古裝的衫會焗出汗，令皮膚炎復發，他更笑言以為自己出水痘！

談到女友黃翠如可有心痛？他說：「佢有陪我睇醫生，每日打畀我提我食藥。（叫佢幫你搽藥膏？）唔使，我都唔痕。（唔詐吓嬌？）唔使啦，好少事啫！」

至於夏天拍古裝劇是否很辛苦？他說：「唔會，我啲衫已經比人涼快啦，無發言權㗎啦，準備多啲消暑嘢！」又指好友曹永廉叫他幫岳父姜大偉（John）撐傘以免對方中暑：「John哥好勁，有把有風扇喺入面嘅遮！」