硬食昆蟲冇得避　蕭正楠食藥抗敏感

藝人蕭正楠（Edwin）到電視城拍攝新劇《翻生武林》，之前拍外景被昆蟲咬傷的他說：「好番七七八八，食咗藥，撳住啲敏感，都冇得避忌，夜晚拍嘢都唔知畀咩咬，劇組手足話今朝六點都好多蚊，我或者噴啲驅蚊劑，但上次咬我嗰啲都唔係蚊，係唔知乜嘢嘅不明物體，冇法啦，硬食！」

傍實姜大偉

問到他如何為同劇拍檔陳凱琳慶生？他說：「希望佢下晝有時間放個break玩一陣，今晚再開廠。（有冇聽老友曹永廉吩咐，代佢照顧佢外父姜大偉？）我全程傍實，劍（刀）都拎埋，佢辛苦，30幾度要拍打戲。」