超齡新人回歸香港　符致逸拍拖求港女

歌手符致逸（Adrain）到電台宣傳新歌《無非一聲掰拜》，他表示新歌是講愛情，填詞的林夕用獨特角度寫歌詞：「佢係天才，之前大家可能會討論歌詞，但今次完全唔使，因為好perfect（完美），佢完全知道我對愛情嘅嘢，即係喺現實方面，兩個人嘅關係唔一定係睇戲咁樣嘅愛情故事，要明白有時兩個人衝突唔係唔好嘅事，都係成長過程。」問拍拖時跟可會與女友有拗撬？他表示：「我好多嘢講，以前女友都好多嘢講，但有拗撬係好事，係關心對方，如果想大家關係好，不過我都未試過因為嗌交而分手。」

單身漢自嘲不浪漫

講到他現時單身，問渴望盡快找到女友？他笑言：「想呀，有冇介紹？」由於曾經在台灣發展，問想識個香港女仔還是台妹？他笑言：「香港方便啲，可以見多啲面。（但香港女仔成日畀人話港女，台灣女仔就溫柔啲？）最緊要兩個人有默契。」他亦表示自己拍拖時不是大男人，喜歡公平，但自嘲不太浪漫。

聽陳奕迅歌學咬字

談及新歌，他表示這是他第一首廣東歌，之前唱開國語歌，今次很有挑戰性：「雖然我廣東話唔係好叻，但土生土長，諗住錄音會OK啦，點知錄錄吓唔係好對路，聽唔慣自己唱廣東話，監製都叫我要執吓啲咬字，後尾聽咗陳奕迅同林子祥啲歌，練吓就好啲。」講到他之前曾在台灣發展，現時可是回歸香港樂壇，他認為自己其實一直在香港居住，之前出碟就會去台灣個幾月，他又自嘲是「超齡新人」。