白雪仙親自監場 陳寶珠梅雪詩嗌有壓力

20160623
東網電視
更多新聞短片
到時演出,仙姐仲會去現場支持添呀!
粵劇名伶陳寶珠及梅雪詩(阿嗲)到電台宣傳今年8月演出嘅粵劇《牡丹亭驚夢》,主辦單位送上滋補湯水給她們飲,又驚喜找了楊千嬅拍片祝賀她們演出成功,對此兩人表示事前不知:「都係啱啱睇,好驚喜,難得。」阿嗲表示之前有看過千嬅的演唱會:「得閒都鍾意去睇吓,不過唔識唱佢啲歌。」兩人亦謂知道郭富城、徐小鳳將開騷:「之前都有睇過郭富城上次嘅演唱會,有好多機械。(今次會唔會睇?)唔撞我哋演出都想。」阿嗲亦謂喜歡聽時代曲:「例如之前羅文、小鳳姐,都有睇好多千嬅嘅戲。」
自認超級戲迷電視迷
問到阿嗲可想拍戲?她即耍手:「我咁嘅樣,又唔識做,仲要時裝,你畀張輪椅我坐住都唔掂。(如果套戲有粵劇戲中戲?)粵劇我鍾意舞台,我叫做拍過三套戲,但拍戲好難,因為感情唔連貫,明明喊緊,下個鏡頭就要笑,好難連接,我唔慣,不過寶珠姐拍戲就好叻。」問到寶珠姐可有興趣再拍戲?她亦謂:「唔想,因為追唔到,依家演員拍戲好辛苦,以前我哋舒服好多,依家科技進步,觀眾要求多咗好多,不過我係超級戲迷同電視迷。」
白雪仙親自監場排練
另外,講回她們的《牡丹亭驚夢》加開六場,她們表示又有很多飛債,而且心情緊張:「希望做得好過上次,所以都有壓力,同埋抖咗兩個月,要warm up番。(師父白雪仙有冇畀建議你哋?)有,要排畀師父睇,好多要修改,不過七月先會排。(佢到時嚟捧場?)應該都會,仙姐會嚟支持我哋,同我哋打氣。」