暑假有五套戲上映　古天樂唔怕拉低票房

藝人古天樂出席眼鏡品牌活動，他表示有五部戲在暑假上映，現正忙宣傳，今日還於酷熱天氣警告下在運動場上拍攝陳木勝執導的《喵星人》外景，期間更有工作人員中暑：「我都流汗流到好攰，廠景拍晒，只淨番外景，同埋部部戲都宣傳緊，聽朝都飛上海宣傳。（對邊部戲有信心？）部部都有信心。（鍾意邊部多啲？）我自己部部都鍾意，部部都冇唔鍾意。（驚唔驚拉低票房？）拉低褲頭咩？唔會，拉低奧運，同叫朋友拉低褲頭睇晒咁多部。」

問到是否有意收購施念慈專責接洽韓國藝人工作的娛樂公司？他表示不回應，並透露有留意韓國市場：「睇電影多啲，韓國電影包羅萬有，我部部都睇，喺飛機睇多啲，屋企冇時間睇，都有睇過宋智孝嘅《Running Man》。（會唔會投資韓國電影？）我演員嚟架咋。（有冇見過智孝？）冇見過佢，佢出名唔化妝，好難得。（想唔想同佢合作？）做演員好被動，希望有呢個機會。」