蔡思貝感謝啟華教路　拍戲唔再嗌破喉嚨

蔡思貝在無綫新劇《純熟意外》中角色「升呢」，由過往的初生之犢，轉為飾演處事穩重的保險調查員，劇中除了與黎諾懿有感情線，還與吳啟華有段曖昧關係，蔡思貝坦言初時與吳啟華合作有點壓力，但熟稔後又覺得對方玩得之餘兼有紳士風度及毫無前輩架子，並感激對食物相當講究的啟華帶挈開工有鮑魚食：「佢對食好有要求，平時開工食飯盒多，但啟華哥總會搵間餐廳食飯，有次仲有鮑魚食，因為啟華哥粉絲整咗啲鮑魚畀佢，佢請埋我哋食。」

蔡思貝的聲線曾受批評，她指啟華曾她用聲，拍鬧交戲也不用嗌破喉嚨，遇啟華還提議她去學唱歌，對運用聲線會更有幫助：「依傢跟老師學緊唱歌，學咗幾堂覺得自己用氣好咗，同埋講嘢冇咁易喉嚨痛。」問到現實中可能接受與年紀差距很大的男士拍拖？她說：「我係浪漫主意者，戀愛冇限制，啱就可以，但現實未試過，要講緣分。」

相對過往新人形象，蔡思貝坦言演成熟角色舒服得多：「以前多新人角色，今次角色成熟、踏實，可以話升呢。做新人角色情緒要好高漲，要用好多能量，今次可以唔使用咁多能量，開工舒服好多。」