臭魚罐頭當手信　黃翠如期待開罐一刻

藝人黃翠如在將軍澳出席無綫《反斗紅星冇暑假》記者會，身為《打工唔捱世界》主持的她，坦言不捨得取景地瑞典及芬蘭：「最得意係喺樹屋度大便，又要抬水上去，又要抬啲便便落嚟，但冇想像中咁難受。」

她又指自己特意從瑞典帶回臭魚罐頭讓別人品嘗，問到是否有讓男友蕭正楠感受一吓，她即謂：「等大家睇完個節目有個Concept先開，一罐喺屋企，一罐就一班朋友一齊開，因為愈多人愈High。罐嘢都好多指引，一定要喺戶外開，同埋會有好多臭嘅液體濺去大家身上。（留番罐等玩新郎用？）我嗰罐要開㗎喇，再唔開我驚佢爆。」

問到英國脫歐影響環球經濟，是否代表其父的身家再縮水，她即指只是數字遊戲，因為父親不會沽出股份，但自己則有幾萬蚊外幣儲蓄，笑言或會受影響：「我發現數字遊戲唔啱我玩，我都係搵實錢買嘢食算！」