蕭正楠孖翠如玩神交：連佢肥定瘦都唔知

藝員蕭正楠與黃智賢在將軍澳電視城為劇集《翻生武林》拜神，蕭正楠透露稍後與陳凱琳在劇中有場浪漫場口，兩人在空中倒轉，攬實再來個360度轉身，他笑言：「睇完劇本都唔知點拍，可能到時仲會有啲花瓣，很唯美咁。（會唔會空中咀？）古裝唔會啦，神交就得。」

蕭正楠笑謂近期與女友黃翠如也是神交，他說：「因為日日都要開工，連佢肥定瘦都唔知，靠Whatsapp聯絡，中間抽時間去食飯。（向Grace取經，製造浪漫？）男女嘅浪漫唔同，大家需求唔同。」

唔再催老友結婚

問到黃智賢可有催促老友娶陳凱琳？他說：「講咗好耐啦，依家唔講喇，見佢哋咁sweet、咁開心，都戥佢哋開心。」黃智賢的戲服又厚又重，他說：「我哋拍劇，都係30幾度，比起淘大救緊火嘅消防員算得係乜，噚晚睇新聞都眼濕濕，佢哋嘅精神幾感動，希望唔好再有傷亡。」