【勝利頸鏈】陳凱琳戴嘉穎禮物放閃
無綫藝員陳凱琳在將軍澳電視城為劇集《翻生武林》進行開鏡拜神儀式。陳凱琳昨日25歲生日被拍得「人肉速遞」上了男友鄭嘉穎屋企,對此她說:「係呀,上咗佢屋企,然後一齊出去同朋友食飯。(生日唔二人世界?)多啲人慶祝開心啲,因為前晚兩個人已經食飯慶祝咗,其實能夠慶祝已經好滿足,原本尋晚要開廠,但延遲咗開所以先食到飯,已經賺咗。(嘉穎送咗咩生日禮物畀你?)收到條頸鏈,我已經戴住咗。(驚唔驚喜?)驚喜,因為之前講好咗話見到鍾意嘅禮物先買,點知佢同表妹去咗買禮物,佢知我鍾意粉紅色,所以揀咗條粉紅色嘅頸鏈畀我,好細心。(會唔會加分?)佢不嬲都好高分,哈哈。(嘉穎送十二枝玫瑰花有冇意思?)我諗係浪漫嘅表達。(冧唔冧?)好開心呀,食完飯佢仲車我返廠開工。」