恨生一仔一女 黃心穎望做Hockey Mama

20160625
東網電視
更多新聞短片
睇嚟心穎BB要落力啲搵番個伴先可以實現願望喇~
藝人黃心穎在尖沙咀錄影「Think Big Family策動海上玩『創』日」,聯同無綫兒童節目《Think Big天地》主持林希靈、余德丞、黃碧蓮等與一班小朋友大玩遊戲。談到要一次過與五十多名小朋友一齊玩,她就笑言自己不懂應付:「我淨係喺屋企同姨甥仔姨甥女玩,兩個都Handle唔到,五十幾個真係難以想像!」
做全職媽咪
本身喜歡小朋友的她,就表示非常享受今次擔任兒童節目嘉賓:「你哋跟住實想問我第時會唔會生啦,我好Honest嘅,我一定會生,人生係要生小朋友先至完美!想生一仔一女!(搵咗人同你生未?)未呀!一步一步嚟啦!我個樣仲咁小朋友,應該未到時候做媽媽。」問屆時會否做「虎媽」,在外國長大的她就表示不會:「但我好渴望做Soccer Mama或者Hockey Mama,即係車佢哋去打冰球,而會睇住佢哋打嗰種做媽媽,全職媽媽嚟。(會退出娛圈?)到時再諗啦,太遙遠。(快啲搵人同你生!)我會㗎,盡力啦!」