同教練對打　倪晨曦學完泰拳周身痛

模特兒倪晨曦（Elva）出席品牌活動，講到早前做雜誌訪問時被安排學泰拳，她說：「安排咗個教練同我對打，打嗰時都幾好，但打完全身都好痛，我平時做瑜伽都冇咁痛，第二日我仲去咗韓國，之後我join咗個瑜伽workshop，紓緩番即刻冇咁痛。」問到會否再學防身？她直言有時間會再學有時去旅行可以防身都好：「我試過去法國，喺酒店都可以畀人偷嘢，放錢喺袋嘅夾層都拎咗我一兩張，又見過有人喺街搶嘢。」

講到搬來香港六年要搬第六次屋，Elva就大呻：「係啊，之前住嗰層樓有漏水情況，臨時要搵地方搬。」