【無懼高溫】羅嘉良自爆要着大褸拍劇

20160625
東網電視
更多新聞短片
羅嘉良話佢嚟緊要喺大熱天時着三件頭加大褸拍劇,認真辛苦晒!
藝人羅嘉良在將軍澳電視廣播城為無綫慈善節目演出。剛拍畢無綫新劇《與諜同謀》的他坦言之前返回北京探囡囡後不久,就要返港與羅仲謙等人拍網劇,亦透露在劇中飾演超級大反派:「喺香港要拍兩個月,深圳拍一個月左右,最後去泰國煞科。」
憶中暑經歷
近日氣溫經常逾攝氏三十度,但羅嘉良就指拍攝時要穿三件頭加大褸以營造「大佬」感覺:「都易中暑㗎,但導演好好,會搵陰啲嘅地方拍。好多年前拍《皇家鐵馬》都中過暑,由腳麻到上頭,好彩羅君左畀水我飲同叫我喺車度休息。」
冧爆講囡囡
講到網劇的對手戲,羅嘉良就指與曾志偉的戲份最多,惟對方尚未開工。問到會否因長離北京被囡囡詐型,他即冧爆謂:「佢都會掛住我嘅,仲叫我拍劇開心啲,之後嘅盧國沾演唱會太太會帶囡囡嚟香港,仲話會帶啲好嘢食畀我。」