自揭語窒真相！方力申認講Stephy勁尷尬

藝人方力申（Alex）與王菀之（Ivana）到屯門宣傳新片《綁架丁丁當》，Alex被問到在ViuTV節目《晚吹- 真PK》中，被主持人問及與鄧麗欣（Stephy）有無機會復合時，他頓時語塞，Alex解釋：「如果唔係為咗宣傳套戲都唔上呢個節目。（佢哋問中咗你心入面條刺？）都分咗手啦，仲問復唔復合，感情又唔係一個人可以話到事嘅，尷尬嘛，呢兩個主持真PK！（真係有吞到主持人KB用腳趾夾畀你食嘅麵？）有食到，咁兄弟嚟㗎嘛！」而Alex同王菀之不忘在場呼籲觀眾支持電影。