成日分隔兩地　郭羨妮唔擔心老公出軌

藝人郭羨妮（Sonija）、邵仲衡、吳浩康、游學修、黃美棋、張健聲等出席電台劇集啟播禮時。

Sonija接受訪問時，被問到跟老公經常因工作分隔兩地如何保持夫妻關係？她直言經常會跟老公傳短訊，而老公都畀到好大信心自己，雖然已有兩、三個月沒有跟老公見面，但都好安心。

談到近期有不少藝人老公被踢爆出軌，Sonija笑言不擔心：「有你哋呀嘛，不過唔好老屈，佢會自動出現唔使搵佢，反而係我忙得濟唔得閒理佢。少見反而感情仲好，會好珍惜見面嘅時候，好開心同埋好期待，佢一走我就喊，又開心又喊。」其後她表示暑假將會一家大細去旅行，而女女偏愛去沙灘，所以會選擇東南亞地區。

邵仲衡返大陸搵銀

另外邵仲衡接受訪問，談到好友譚小環老公被踢爆出軌，邵仲衡直言外人不應多講，更大讚對方好堅強，稍後會約對方吃飯消消氣。至於工作方面，邵仲衡透露最近剛在內地以微電影形式拍攝廣告，期後亦會到內地拍攝網劇。問到酬勞是否很可觀，他笑言酬勞不錯：「內地嘅budget比較好啲，香港集資都好難。」