Edwin皮膚炎　曹永廉心涼：後生仔捱下啦

藝人曹永廉出席無綫劇《純熟意外》宣傳活動，講到好友蕭正楠（Edwin）正拍攝古裝劇，早前因被蟲蚊及天氣炎熱而皮膚發炎，阿廉笑說：「後生仔啲小鮮肉皮膚嫩呀！咬下佢好正常，佢都好番㗎喇！之前有見佢，有慰問吓佢，我都知夏天拍劇好辛苦，但我一啲心痛都冇喎！反而有啲心涼，後生仔捱下啦！」他直言有叫Edwin特別照顧與他同劇的外父姜大偉（John哥）及好友鄭嘉穎女友陳凱琳：「佢哋一有咩唔舒服，佢就要斟茶遞水啦！（特別擔心John哥？）佢啲衫寧舍熱，又有妝同頭，仲要打，我都有同佢講，有咩唔舒服公司會明白！咁阿蕭都keep住打畀我，報告住John哥狀況。」