彭羚為母校獻Sing 張崇德讚唱得好

20160626
東網電視
更多新聞短片
張崇德大讚彭羚(左圖)就算久未唱歌,但仍然Keep到水準!

歌手張崇德與太太劉美娟出席民生書院90周年慶祝活動,作為校友的崇德指因讀完中四後就到加拿大讀書,所以不是經常與舊同學聯絡:「因為中間脱節咗,所以唔算好close,之前佢哋返去拍MV我去探班,見番啲十年冇見嘅同學,年紀大都係講番啲往事。」又指數月前曾與太太出席母校的家長講座,數年前與哥哥張崇基亦有擔任唱歌比賽的評審。

而民生書院90周年主題曲《光與生命》由崇德擔任監製,今晚將會首播MV,崇德指「光與光命」其實是母校的校規,又謂很難得請到3位師姐彭羚、林志美、陳秋霞演唱歌曲:「咁嘅組合係未出現過嘅,希望啲後輩知道有3位咁唱得嘅師姐!」

提到請得彭羚出山獻唱,崇德說:「唔係出山嘅,如果唔係母校佢都唔會出現,如果係依家在職嘅歌手,唔同唱片公司嘅要合作就有難度。」又大讚師姐彭羚唱得好,而且對自己很有要求:「我話佢已經唱得好好,佢就話好耐冇唱歌,想試多次,最後出嚟係好聽嘅!」