有可能返無綫拍劇　廖碧兒唔怕冇新鮮感

藝人廖碧兒出席頒獎典禮活動，她表示為ViuTV拍攝的節目《瑪嘉烈與大衛系列綠豆》已殺科，現在開始拍攝網劇《無間道》：「個人輕番啲，因為之前兩套劇嘅時間重疊咗，冇覺好瞓，依家完咗一部，可以專心拍《無間道》，有羅嘉良、羅仲謙等等，有好多外景要拍，喺觀塘拍，香港同內地都會拍。（網劇好好搵？）唔知，我係想同觀眾可以接觸多啲，我4年冇喺香港拍劇，之前喺新加坡就有拍英文劇。」

簽經理人公司好自由

問到會否返TVB拍劇時，她謂：「唔排除，最緊要係劇本好就可以，同埋我係簽經理人公司，唔係簽死電視台，唔同電視、節目都可以上，好自由。」又謂最重要是可給觀眾新鮮感：「大家都話睇到唔同嘅我，同埋拍攝嘅故事畫面好寫實，自己未試過。（怕唔怕返TVB會冇新鮮感？）唔係㗎，依家好多拍真人故事做劇，無綫都有好多種類，我自己都好耐冇拍古裝啦。」