被師妹騷擾　楊明愁爆：搞到思明就唔好

藝人楊明出席劇集《賭城群英會》宣傳活動。對於女友莊思明在網上透露楊明被一名女士騷擾，楊明表示對方是其中學師妹，事件已有幾年時間，問到對方是否單戀他？他說：「唔知呀！每次打電話嚟我都Block，但佢經常轉電話。（內容講咩？）好模糊，但我聽到佢把聲，我就會Cut線，依家冇來電顯示嘅電話我都唔聽，但未有需要改電話號碼住。（搵啲中學同學勸吓佢？）唔會啦，希望呢件事之後佢唔會再咁。」

問到與師妹是否有感情瓜葛？楊明說：「冇！（佢有咩動機？）佢都係想搵人傾電話啫！我有同佢傾過偈，但好似有啲跳線，我覺得唔可以繼續同佢講電話。（對方鬧埋你女友？）冇，只係當時我哋一齊，思明冇拎電話嘅。（有咩解決方法？）我處於被動，但搞到思明就唔好。（氹番女友？）佢好明白、諒解，好信任我。」