認見林作攬女唔舒服　麥明詩：冷靜中

十優港姐麥明詩（Louisa）最近與律師男友林作情海翻波，男藝人何浩文（Dominic）因挺身護花被指力追Louisa。今日Dominic及Louisa齊齊宣傳新劇《賭城群英會》，劇中兩人跟高海寧（高Ling）大玩三角戀，對此Dominic說：「本身我係同高Ling，但同Louisa有感情瓜葛，最後都係最鍾意高Ling。」

唔排除閃婚

問Louisa現實生活中誰是男友？她說：「我同Dominic戲入面係一對啫！（林作先係男友？）大家冷靜中。（因為佢被拍到攬女？）個心係有唔舒服，一段關係入面，你哋睇到嘅嘢係問題嘅病徵，但我唔會將呢件事放大，我哋兩個都有問題，我會自我檢討，呢段時間都有聯絡、溝通、見面。（之前畀人影到你喊嗰次？）呢次之外都有見面。（你做咩喊呀？）我一向眼淺，有啲情緒，兩個人嘅嘢涉及情緒，我就會喊，但唔係咁大件事，喊好過收喺心入面。（原諒男友？）佢有解釋，但我唔會將呢件事放大。（有得醫？）試吓，但唔可以太勉強，要順其自然，如果注定就會喺番埋一齊。」

「唔喺香港心情都好啲」

問到林作媽咪是否有打給她時，她說：「拍拖同對方家人有溝通係好正常，傾幾句。（佢做中間人？）都係關心我。（放假陪吓男友？）我之後要去巴西奧運，當放自己假，到時專心工作，唔喺香港心情都好啲，冇咁大壓逼。（冷靜期幾耐？）我冇時間表。（冷靜完之後結婚？）呢幾年都唔會，但世事冇絕對。（之後同Dominic避忌啲？）正常咁，有責任做好宣傳。」對於有指林作母親以6,500萬港元買樓作他們結婚之用，Louisa表示聽聞對方是投資，並指拍拖是講Feel，跟對方經濟無關。

何浩文否認追麥明詩

問到Dominic是否作歌追Louisa並挑戰林作？他說：「大家唔同類型，我係藝人，佢係律師，好難話挑機。（係咪追Louisa？）梗係唔係啦！」