【最好出年結婚】陸浩明等肥媽隻金豬

藝人肥媽與陸浩明（6號）出席節目《今個夏天食平D》拜神儀式，透露一星期有三日拍攝，其中一天更要到街市選食材，即席下廚給市民試食，面對近日酷熱天氣拍外景，肥媽不諱言也沒辦法，更謂：「個節目應該叫《今個夏天玩肥媽食平D》，其實陸浩明都成日滿頭大汗，毛巾抹汗都黐到成面粒粒，冇計，佢冇贊助。」

肥媽拒開餐廳

談到熱愛下廚的她可會開餐廳？肥媽謂：「一定唔會，好多人話出錢畀我開私房菜，但我要求高，教完啲師傅都未必調到我想要嘅味道，但我喺馬來西亞就開咗間火鍋，個湯底我搵咗間廠調到個味道出嚟。」更笑言現時正值半退休狀態，閒時打波及登台已滿足，不想再增加操勞。

仲未求婚

而已明草有主的陸浩明，被問到婚禮籌備如何？他謂：「等緊肥媽隻金豬囉，其實係計劃兩年內結婚，最好係出年，不過我未求婚。」