張嘉兒又晒巨肚　教你懷孕小知識

準媽媽張嘉兒已經懷孕27個星期喇，自從佢有咗BB之後，不時都會發文教大家懷孕嘅時候要注意啲咩，今次佢就提提大家孕婦瞓覺嗰陣最好左側睡，咁樣會避免壓住啲血管，保持血液循環。當然啦，佢醒大家兩招嘅同時亦不忘要晒一晒巨肚！

張嘉兒上載咗一張巨肚獨照，仲留言：「快進入3rd trimester（第三個三個月，即懷孕第三階段）啦！大家知道孕婦左側睡會好一點嗎？原因是不會壓著（着）太多血管，可以保持血液循環，又不會壓著（着）身體右邊的肝臟！媽媽加油！」