【結婚半年】杏兒抄星爺金句向老公示愛
20160628
東網電視
更多新聞短片
相信Philip聽到後一定冧爆。
上年12月28日係胡杏兒結婚大日子，隨即兩人就去咗歷時75日嘅環球蜜月之旅。最近杏兒就忙於拍攝大陸真人騷搵真銀，但冇因為咁而忘記今日係結婚6個月嘅日子，佢上載一張同老公李乘德（Philip）的婚照，再用英文寫上冧爆宣言：「Happy 6 months LG, if I have to put an expiry date to our marriage, I wish it would be 10,000 years, thank you for loving me, I love you」內容大意：「開心地過了6個月，如果要為我們的婚姻設一個期限，我希望係一萬年，多謝你愛我，我愛你。」真係聽到雞皮都起埋！
但係點解呢句嘢熟口熟面，原來喺周星馳套經典電影出現過，嗰套就係《西遊記大結局之仙履奇緣》，星爺當時對紫霞仙子（朱茵飾）說：「曾經有一份至真嘅愛情擺喺我面前，但係我冇去珍惜，到冇咗嘅時候先至後悔莫及，塵世間最痛苦莫過於此。如果個天可以畀機會我返轉頭嘅話，我會同佢講『我愛佢』，如果係都要喺呢份愛加上一個期限，我希望係一萬年。」杏兒原來係藉着星爺說愛你，真係估你唔到呀！
最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！
最強娛樂APP「東網巨星」下載連結：