黃翠如唔聽蕭正楠電話：佢都好習慣

藝人黃翠如出席手提電話活動，在台上她不停被問擇偶條件，問到是否平時與男友蕭正楠太少放閃所致？她笑言：「可能係啦！不過佢哋問我擇偶條件係指揀電話。」翠如認為手機的影相功能很重要，她的拍攝對象最多是樹木。

呼籲齊齊唔掂電話一小時

她又指發現大家太投入虛擬世界，故最近開始了一個練習：「我強迫自己喺一個鐘內唔可以掂部電話，有人打嚟都唔聽，希望多啲同身邊人接觸，而唔係成日攞住部電話，開始咗個幾星期，最初都做唔到，要強迫自己去做。（怕唔怕錯過咗重要嘅電話？）都有可能，但唔差在一個鐘。希望大家都學吓。（可能會錯過咗男友電話？）呢個唔緊要。（叫男友都咁做？）等佢拍完劇先。佢依家拍劇，大部分時間都放低電話。」問到會否因男友太遲接她電話或太遲覆短訊而大發雷霆？她笑言：「依家好少傾電話，傳短訊比較多，但每次我都覆得慢過佢，佢都好習慣。」