新劇剛完成　張兆輝陳松伶心郁想再添食

藝人張兆輝與陳松伶於將軍澳一間酒店拍攝劇集《全職沒女》的片頭片段，二人謂今日是最後一日開工，張兆輝指整套劇集有一半都是在這裏取景，故覺得感覺似剛剛開工，松松就表示感到不捨，她笑謂：「我哋有個Group Chat，十日前已經講唔捨得套劇完，希望有season 2，當美劇咁拍！」張兆輝又指日前在中環拍跳舞戲，雖然又熱又曬，期間更有工作人員中暑兩次，不過就拍得開心。

趕完新劇，張兆輝將啟程到北京拍攝古裝劇，他表示劇集陣容龐大，當中鹿晗亦有份演出，戲中飾演大反派的他已準備好防暑用品，將留在當地拍攝三個月。

陳松伶被問會否心郁想再拍劇？她笑謂：「希望唔係十幾年後先再見到大家啦，可能休息一個星期就掛住大家！（無綫再搵你拍劇？）未呀，可能要睇表現！」張兆輝則笑指松松是「快叉」電，很快就能補充力量。松松在北京工作室的，並透露年底會製作一套大型奇幻劇，目前籌備當中，負責製作的她未有打算參演。