彭羚下年復出？林海峰：唔存在我批唔批

藝人林海峰（Jan）於太古出席「麥當勞玩具樂園」揭幕活動，Jan透露最有回憶的就是南區淺水灣已結業的麥當勞，內裏有隻海盜船，而且因為在沙灘附近，就算穿着泳褲、三點式去買食物亦不會尷尬：「隻船失蹤咗，希望可以再出現，一出現我就斗零邊（泳褲）上陣。」他又指以前喜歡將飲管當玩具玩。

老婆為母校獻聲係榮耀

提到太太彭羚早前為母校90周年獻聲，很多人都希望她復出唱歌，Jan笑說：「咁要等下一年喇，等佢母校再有紀念佢先會再做。（你畀佢做？）呢個係榮耀嚟，佢好開心，一講親學校嘅嘢就好雀躍，架車經過九龍城佢都會指住係咁講，我諗每個離開學校嘅人，可以幫學校做到小小嘢都會好開心，唔存在我批唔批准嘅。我係咪答得好得體呢？」問到太太如果有商演活動可會問他意見？他指兩人不會討論這些，又謂太太雖然沒有在幕前演出，但仍有很多事情要做：「嗰啲係生活囉，唔算工作。（少啲拋頭露面？）佢都拋㗎，我哋成日嚟呢度㗎。」

邊行山邊叫練聲

而Jan下周五將在紅館開talk show，他表示已閉關一段時間，又指近日積極「操聲」：「操喉嚨同操好條聲帶緊要啲，依家條聲都沙沙哋，呢幾日盡量唔講嘢。以往我喺工作室操練，今次我同大自然操練，一邊行山一邊喺個山度叫，有時就喺書房。」