傅穎教化「膠樣妝」：我每日都整一次容
20160630
東網電視
更多新聞短片
肥妹小編都想跟傅穎學化妝呀！
藝人傅穎（Theresa）經常被指變臉，雖然她多次否認整容，但傳言從未停止過。其實傅穎對化妝好有研究，佢承認有戴「大眼仔」習慣，又因為大細眼關係，細細個就會用雙眼皮膠紙改善缺點。而咁多年嚟，Theresa嘅妝都係自己親手化。
尋日傅穎幽自己一默，話要拍一條教「化膠樣妝」嘅片，而佢亦坐言起行，今日上載咗一條妝前妝後嘅片畀大家欣賞，短片一開始佢就話：「我成日畀人話整容，今日我就教大家整容，我每日都整一次。」
隨即喺鏡頭前落妝，以素顏現身，之後佢先化咗一個2003年嘅妝，仲上載13年前嘅舊相，果然同以前有番咁上下似樣；之後傅穎又忙一大輪落妝又化妝咁，示範現今最流行嘅韓式靚妝，見佢「話咁快」就搞完個妝（因為用咗快鏡吖嘛），個樣同之前真係有好大分別，化妝呢家嘢，真係神奇㗎哩。