仁濟醫院副主席王賢訊出席慈善活動，他透露細仔已經兩個月大，又大讚好易湊，他說：「幾好湊，乳名叫波子，但老人家就話要講反話，唔可以話易湊。佢哋又話（細仔）似足我細個，我細個放我一邊，用枕頭圍住（就得），依家我細仔都係咁，有遺傳！」

王賢訊又表示正忙於書展推出的兒童繪本小說《南山七小福》，今年會出動畫版，所以細仔的百日宴要延期：「咁啱撞正書展，所以會八月頭先搞百日宴，長輩話要擇日，請朋友同親戚。」他笑言因太太懷孕期間自己較忙，所以欠下不少「債」：「欠好多學校分享會，之前推咗好多，有好多校長急call，要搞分享會。」