「國民情婦」橋本愛實被騙　無辜做小三

被封為「國民情婦」嘅G Cup日本性感女星橋本愛實，噚日喺東京新宿書店宣傳剛面世嘅寫真集，並即場舉行握手會同粉絲近距離接觸。提到踏入2016年，日本藝能界相繼有不倫戀醜聞流出，橋本就話雖然自己係以情婦形象走紅，不過其實自己最不能原諒就是出軌行為，仲話睇到女星高島禮子日前為爆房吸毒被捕嘅老公高知東生向外界道歉時感到心痛，並稱自己因而對「國民情婦」稱號開始感抗拒，還表示如果將來自己老公出軌一定會痛毆對方，佢又自爆過去曾兩次被已婚男人自稱單身欺騙，搞到佢無辜做小三。