胡定欣成日同男友玩「人肉點唱」

藝人胡定欣與音樂人男友陳明道（Terry）感情穩定，不時被拍到出雙入對，定欣日前接受電台訪問大讚對方細心，她說：「心地好善良又細心。（佢會煮嘢妳食？）佢唔係好識煮嘢食，都係我煮多啲，佢頂盡係淥麵。」問到最欣賞對方邊方面？定欣說：「佢好幫人又勤力，佢為歌手做音樂，喺屋企做功課嗰份專注同心思，我音樂上面識嘅嘢冇佢咁多，佢都會同我分享佢做緊嘅嘢，令我大開眼界，我好欣賞佢態度。」

喜愛唱歌的定欣封男友是「人肉點唱機」，她說：「成日都叫佢彈畀我唱，有時有啲外國歌，佢聽一次已經知道啲音，覺得佢好神奇，人肉點唱機，崇拜佢。」定欣大方透露男友不時送小禮物，她說：「我唔係要男友買咩畀我嗰啲，你有能力就自己去買，佢有時聽到我想搵一樣嘢，佢就轉頭上網搵同時為我準備咗。」