鄭敬基復工精神抖擻　蒙嘉慧笑似整咗容

現年53歲嘅鄭敬基（Joe）日前突然因為「有條心臟嘅血管九成幾塞咗」，需要立即入院進行「介入性心導管」嘅大手術（簡稱通波仔），幸好手術非常順利，Joe亦康復得好快，所以本身同藝人蒙嘉慧、吳耀漢、譚淇淇等合演嘅處境喜劇《有倉出租》嘅佢，今日仲已經開始復工?！

今朝一早，Joe就喺Facebook直播自己第一日復工嘅情況，唔少同事見到佢都好開心，不停問候佢嘅身體狀況，而蒙嘉慧等人仲大讚Joe精神好好，一啲都唔似做完個咁大型嘅手術，仲講笑話有古怪，問其實係咪偷偷哋去咗整容?！