睇過楊明全相　莊思明唔介意幫手沖涼

藝人莊思明出席好友龐景峰粉絲見面會，對於男友楊明炒電單車導致左膝頭縫十針，思明表示男友現時休養中，她說：「想佢傷口快啲好，困住佢喺屋企唔畀佢周圍去，佢喺屋企睇劇本時好想開工，話可以拍大頭先，我就好想佢好好養傷。」問到是否很心痛？思明直認：「係呀，工作前後同放假都去搵佢。」談到兩人患難見真情，問到男友有否趁機向她求婚？思明冧笑說：「唔好喺呢啲時候。」

由於楊明行動不便，問到思明有否為男友沖涼？她笑說：「唔係咁好，佢自己都沖到。（如果要你沖呢？）都唔介意，不過有啲尷尬。」記者笑她已看過男友全相，思明不置可否說：「另一回事。」她強調出事後沒有鬧過男友不用替身，她說：「明白嘅，嗰啲鏡頭梗係想一個Short去，咁樣會靚啲。（有冇睇過佢傷口？）縫針前唔敢睇，縫針後就見過。」