組合Super Girls平時工作忙碌，很少陪家人，對此Yanny表示：「好幸福嘅係屋企人好明白我哋，唔會詐型，仲要好支持咁煲哂湯，講啲鼓勵說話。」Aka則笑言：「成日見唔到媽咪，但媽咪好好，成日會煲湯，但啲湯永遠都喺我趕住出門口嗰陣先叫我飲，或者好飽嗰陣先叫我飲哂佢。」

問到平時會怎樣孝敬媽咪，會否親自下廚？Jessica表示：「媽咪好挑剔，唔鍾意食我煮嘅嘢，我曾經煮過西餐，佢食完嘅評語係『以後畀一千蚊我都唔想再食』，勁傷心！不過試過有個星期日佢問阿妹去唔去行街，我話我都去，跟住佢就好驚訝，但feel到佢係開心，於是出去嗰陣我同阿妹一人拖佢一邊手，好珍惜呢啲機會。」Cheronna亦謂總之全日陪媽咪對方就會很開心。問到可想買樓給家人住？Aka表示：「呢個係第一樣想做，我入行嘅第一個目標就係想買樓寫媽咪嘅名。」