遠赴英國留下嬌妻　陸永玩視像冧老婆

老婆畀人恰，做老公嘅要點做？唔識就要學吓陸永喇！陸永近日去咗英國拍節目，雖然遠在他鄉，但係只要老婆Rainah叫到，都會即刻諗盡辦法陪實！好似上年（2015年）咁，Rainah生日嘅時候陸永雖然身在英國工作，但係都偷偷哋訂好晒花畀驚喜老婆，抵鍚！

而呢日，Rainah就上載咗一張同陸永玩視像嘅截圖，留言：「每次被人欺負，總有一個人喺背後支持我，不過今次嗰個喺英國～～佢又扮嬲到想殺人咁樣啦！」原來陸永咁啱又去咗英國，但係知道老婆有難，都即刻抽時間開個視像氹吓老婆！唔少網民見到都留言投訴佢哋放閃，又大讚佢哋好鬼sweet，真係羨慕死人，陸永果然係100分真．男人！