吳若希公開戀情？網民話喊濕好多枕頭

歌手吳若希（Jinny）日前被拍得同富二代澳門才俊Alex Ho手拖手去泰國旅行，令一班忠實宅男粉絲不知幾擔心，消息唔知真定假。而返咗嚟香港冇幾耐嘅Jinny都未見記者，就已經率先喺Facebook「自投羅網」，上載一張同「男友」（何生）頭貼頭，着晒情侶裝嘅合照，仲留言話自己逼婚添！Jinny話：「點只拖手，仲勁嘔心地著（着）情侶裝。何生～你幾時同我求婚？（吳若希公開逼婚）」究竟係咪真係公開戀情，小編唔敢包，但有網民就覺得吳若希係公開戀情，仲留言話：「睇嚟今晚會有很多個濕枕頭同埋成地都係玻璃碎！」