余文樂求黑人介紹好女仔　網民：不要！

香港男神余文樂（樂仔）最近去咗台北幫自創品牌搞Pop up Store，台灣藝人陳建州（黑人）同范瑋琪（范范）帶埋兩個寶貝仔飛飛同翔翔去撐場，樂仔仲即席攬實飛飛狂玩，父愛滿到瀉晒之餘，仲叫黑人介紹女仔畀自己識添！

呢日，樂仔再上載同黑人范范一家，仲有一班好友喺草地嘅大合照，留言：「快樂就是那個簡單，好朋友一起聚一下」而黑人亦上載另一張合照留言：「好友相聚就是開心～」，睇嚟佢哋感情真係相當好！

不過，佢哋感情好唔好唔係網民關心嘅地方，網民最關心嘅，係黑人幾時介紹女仔畀樂仔識，但係網民就唔係催佢快啲介紹，而係叫佢唔好介紹喎，唔少粉絲都留言話：「黑人不需要介紹，我來就可以！」男神吸引力真係沒法擋！