【不妨露一點】吳業坤失守慘被扯衫晒腩

藝人吳業坤到南丫島錄影節目《Big Boys蕩漾夏水禮》，與一眾波女同場，其他男主持梁烈唯、陳國峰、王梓軒半裸晒肌，Bob（林盛斌）亦露上身晒腩肉，相反坤坤守身如玉穿背心，結果被Bob狂扯衫至不慎露一點及露腩，場面搞笑！

戴超?女

坤坤今次升呢擔任評判，他表示沒有機會跟眾女埋身接觸，但特地戴上水銀黑超，可任意?人而不被發現，笑言可「坐享其成」，但絕不會「動L」，問到最欣賞哪人的身材，他笑說：「梗係阿Bob，冇乜男士有佢咁玲瓏浮凸身材。」

開騷跳舞引人笑

講到其處男紅館騷正式網上優先預售，他表示未有時間留意銷情，但不少朋友及舊同學都問他要門票：「多謝大家咁支持，始終都會擔心第一次開騷反應，尤其係之前講錯嘢（曾豪言一日內賣晒飛），希望大家會感受到我哋嘅誠意啦！有好多sponsor協辦，我會努力練好啲歌！（練埋個Body騷肌？）冇可能一個月收到個肚腩，如果開到第二次騷先除衫啦！所以今次大家要支持吓。（會跳埋舞？）少少，始終咁大型舞台。（你強項？）係呀！引人發笑方面。（最低票價係$180，怕唔怕回唔到本？）希望多啲人參與，尤其係學生，我自己冇諗賺錢，有得開Show已好開心，希望大家多多支持！」