決不選港男 湯鎮業孖仔心郁做藝人
藝人湯鎮業一對孖仔、哥哥湯君慈及湯君耀出席活動,正在美國UCLA讀書的他們,透露明年畢業,二人均主修社會學及副修電影。
他們表示這次回港放暑假三個月,九月尾回美國。問到會否趁暑假拍廣告或做模特兒賺外快?他們表示:「有機會都想試吓。(爸爸有冇幫手搵朋友?)冇,通常都係公關介紹。(想拍乜?)冇乜特別。(畢業之後想唔想做藝人?)唔知,依家我哋同一個朋友喺演藝學院讀暑期班,當玩吓,演戲初班。(叫爸爸教?)佢好忙。(爸爸支持你入行?)支持,覺得着數啲,佢都係呢行。(有冇跟爸爸拍戲睇佢做嘢?)有,上年睇多啲,佢拍《梟雄》,覺得好得意,幾好玩。」問有沒有興趣參選港男?二人笑言:「唔鍾意,冇乜興趣。(怕醜?)唔喺呢度講,成件事都唔鍾意,男仔選成件事好怪。」