【獨家近照】真係有咗？林心如刻意遮肚
20160706
東網電視
更多新聞短片
Francis（左）喺巴黎活動上巧遇林心如。
現年40歲的台灣女星林心如昨日被傳有喜兼月底下嫁台灣男星霍建華，及後兩人齊齊承認婚訊，震驚中港台娛樂圈！婚訊消息公布冇幾耐後，林心如在巴黎出席高級珠寶品牌BVLGARI活動，同場還有著名公關鄭紹康（Francis）、亞洲最大木門製造商夢天集團太子女余晚晚（Wendy）。
避談是否有喜
《東網》記者透過電話聯絡Francis，問到心如現時心情如何？Francis表示：「我上前恭賀佢做霍太，佢嘅笑容好開心幸福！我問佢係咪有咗，佢同經理人聽完後就哈哈大笑，淨係講咗句『咁都得嘅』，然後冇回答。」Francis又謂身邊有越南朋友喜歡看心如的經典代表作《還珠格格》，心如聞言即笑言：「這個已經是18年前了，我也快將結婚了。」
全程用袋遮肚
Francis又謂：「我讚佢老公好靚仔，心如聽完就大笑講番『多謝』。」顯得相當怕醜！提到心如被傳奉子成婚，Francis表示她現時沒有任何水腫或發福，又指她在活動上有喝飲料，不過未知是香檳還是清水。不過心如在活動上影合照時，全程刻意用Clutch遮掩其腹部，又沒有正面回應是否有喜，令其大肚傳聞更加疑幻似真。
最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！
最強娛樂APP「東網巨星」下載連結：