【慳家姊妹花】翠如同家姐細妹撈亂衫着

藝人黃翠如、朱千雪（Tracy）、馮允謙及新鴻基地產代理租務部總經理鍾秀蓮，於世貿中心出席活動。身穿膠花短裙的翠如，被問到以短裙上陣會否怕走光？她笑說：「應該唔會，有打底。不過都幾難着，唔坐得低，企咗個幾鐘。」

同男友鬥Bad Taste

翠如於活動上表示為了環保，家中四姊妹會輪流分享衣服，細妹更懂得自己縫衫；問到其男友蕭正楠是否因此不用買衫給翠如，她透露曾與男友玩遊戲，以最低Budget買衫給對方，結果二人最終都沒有穿上對方所贈的「禮物」。翠如更搞笑自嘲品味差：「我買卡通衫畀佢，（佢買畀你嘅都唔啱你心水？）我冇着過，我哋taste都麻麻。」問到支持環保的她，日後會否穿婚紗行禮，翠如笑言希望日後獲家人為她縫製婚紗：「應該好sweet。」她又自爆想修讀哲學，但驚日後重返校園時會與同學有代溝。

未諗結婚

問到翠如若要讀書，男友蕭正楠豈不是「有排等」才能成家立室？對此她稱未諗結婚：「女仔唔好主動諗。（男友心急？）佢拍劇拍到下年都冇時間。（學台灣女星奉子成婚？）好遠呢個方向，女仔都希望step by step！」