撐龔嘉欣冇爆料！姚子羚未有結婚打算

無綫藝人姚子羚被指遭好姊妹龔嘉欣大爆就快結婚，對此，《東網》致電子羚求證，她即時作出否認，並笑謂：「唔係！係有一日啲記者問開，佢話如果有呢一日，佢要儲錢買定姑婆屋之嘛，就係咁就傳話我結婚囉！」

子羚與男友拍拖兩年，她坦言之前整傷面到現在仍未正式復工，故趁未開工前去旅行，之後才專心投入工作。她又坦言未有結婚打算。