【自認好?x2】李施嬅買錯場次中空寶

藝人李施嬅昨晚入場撐馬主好友馬浚豪的愛駒「順勢寶」場，施嬅更試手風買了80元獨贏，「順勢寶」不負眾望勝出，施嬅更與好友齊齊拉頭馬，不過當施嬅去收錢時方發覺自己買錯場數，十分尷尬！

施嬅接受《東網》訪問時笑言：「我自己買㗎！我去到Counter話買8號，但冇講邊一場，佢就畀咗第八場我（但其實8號的順勢寶是在第九場出賽）。其實我唔識買馬，咁大個女都係第二次入馬場，第一次都係捧佢（順勢寶）場，隻馬第二次跑就跑第一，好叻仔，原本派800蚊，不過算啦！但係好?囉！真係好?！去到攞錢時，職員話『你冇贏喎！』」她笑言是到了那時候才恍然大悟。

施嬅坦言馬主馬浚豪的太太是她的好友，更笑言下次入場只會打氣唔會投注。