林心如巴黎玩直播　有網友認係霍建華老婆

台灣女星林心如與男星霍建華在今年520（諧音：我愛你）高調認愛後，接住就公布將於7月31日喺峇里島結婚，「華心戀」備受中、港、台關注。正正喺巴黎出席時裝周嘅心如公布喜訊後首次露面，仲趁住空檔時間同網友玩直播，個個粉絲都好關注佢嘅婚事，心如收到唔少粉絲嘅祝福，令佢冧爆地話：「我會幸福的！」

直播期間，有網友話「我老公變成妳的了」，心如見到哈哈大笑，並以超高EQ回答：「妳老公變成我的啊？那就是妳前夫啦！」唔理真定假，現時幸福待嫁嘅準新娘心如冇被影響心情，仲心情靚爆話好享受巴黎當地嘅天氣同美食。有網友時不時提及未婚夫霍建華，心如無奈表示：「你們一直問另外一個人幹嘛？他又不在。」但睇得出心如字字句句都帶着甜蜜嘅感覺！