滕麗名自爆畀老公叫賤精:佢話係讚我

20160707
東網電視
更多新聞短片
滕麗名話佢老公叫佢做賤精,仲話係讚佢,係真唔係呀?
藝人滕麗名在將軍澳出席無綫劇《一屋老友記》祝捷會,慶祝前晚最高收視達30點,她即場孭起羅蘭,但卻差點站不穩,非常危險。她接受訪問時指當時非常怕整親對方:「怕整親老人家,但其實我負重好高,當年都孭麥包行半條街兼斜路!」對於拍檔歐陽震華(Bobby)笑指她翻生,她笑謂:「唔可以咁講,其實係大家啲默契好快嚟!」
網民捧做視后
有網民大讚滕麗名演出比視后胡定欣更搶鏡,她即謂:「唔好咁講,我未試過開成套劇都係講屋企,拍咗五十幾日廠景至拍出面嘅戲,中段之後會喺屋企多啲。(網民捧你做視后!)好開心,佢哋鍾意鋤強扶弱!」又指沒有收看劇集的老公,知道網民正評後都好開心,打算請她去旅行慶祝。問為何對方沒有捧場,她即笑謂:「佢話使乜睇,你都係賤賤精精嗰啲,佢話係讚我,佢同咗Bobby講,Bobby話老公叫老婆賤精即係好愛佢咁解!」