主動代林峯澄清　吳千語笑似老夫老妻

女星吳千語與韓國男星李敏鎬合作電影《賞金獵人》，電影在內地剛上映，直至昨天上映六天已收1.67億人民幣，票房理想，她笑言如果票房能過五億人民幣，就嗌李敏鎬「除衫」慶功。在電影中飾演電腦黑客的她，自爆曾到網吧觀察環境。千語又主動重提男友林峯被誤會不知道八達通可坐港鐵一事？她說：「佢唔係唔知八達通可以坐港鐵，而係唔知單程票可以嘟，因為以前係入飛。（佢叫你幫佢澄清？）唔係，係唔想搞到佢好似好蠢咁，佢平時好精好醒。（成日整蠱你？）多數係我整蠱身邊人。」

有經濟基礎先結婚

吳千語又指將會與男友分隔兩地拍電影，自言已經習慣，靠傳信息維繫，記者指二人如老夫老妻？她笑說：「都好老，一齊多過四年，好耐，係最耐嘅一個男朋友。（結婚？）我想有足夠經濟條件先諗其他。（依家唔夠？）我想做事業女性，例如投資買樓，想有足夠經濟能力就蝕咗都唔會太心痛。」

Hair: Jo@Queen's Pi

Makeup: Zoe Fan

服裝：VICTORIAVICTORIABECKHAM @ Lane Crawford

場地：Dreamix廚