【出親嚟都晒恩愛】陳茵媺尚未成功收身

喺四月尾誕下第三胎、成功追到個女嘅陳茵媺，自從出院之後，一直未有公開露面，安心喺屋企坐月同湊B。不過今日，陳茵媺終於露面，佢同陳豪大玩例牌嘅恩愛出巡，齊齊着到靚一靚咁賀李丞責B女百日宴。

而喺佢哋準備入宴會場地之前，現場突然吹起一陣風，仲吹起咗陳茵媺件外套，即使成個飄逸感出晒嚟，好有女神Feel。而現場所見，陳茵媺明顯尚未收身成功，感覺上仲有啲圓潤。不過唔知係咪驚被追問囝囝讀書嘅問題，向來親民嘅陳氏伉儷，完全冇接受訪問就一支箭標咗入會場。